ҮГ амьтай СЭТГЭЛ зөнтэй НУТАГ

Үлээх салхи нь өвгөдийн үнсэлт шиг, сэнгэнэн илбээд байдаг
Үзүүрт нь үүлс хээтэх, уулс нь аргадан хүнгэнэж дуулаад байдаг
Үлгэрийн сайханг өвөртөө өөртөө, шингээж шаштирлан туульсалдаг
Үнэнхүү диваажин, Миний нутаг Монгол орон минь эрдэнэсийн өлгий л дөө

Хуурын эгшиг, цуурын аялгуундаа орчлонг бүүвэйлэгч МӨНХ ТЭНГЭРИЙН нутаг аа
Хорвоогын сайхан уярлын хэлээр, хайраар халгигч СЭТГЭЛ ЗӨНГИЙН ӨЛГИЙ нутаг аа

Намираа бороо нь солонгорон цацарч, халуу дүүгтэл төөнөөд байдаг
Нас насны шүлэг дуугаар хурлан, намайг чамтай хөглөн хөөргөөд байдаг
Нарны шижир туяа шиг алаггүй ээж, дулаахан энхрийлэх өвгөдийн сургаальтай
Нартын диваажин Миний нутаг Монгол орон минь асралын ариун голомт л доо

Хуурын эгшиг, цуурын аялгуундаа орчлонг бүүвэйлэгч МӨНХ ТЭНГЭРИЙН нутаг аа
Хорвоогын сайхан уярлын хэлээр, хайраар халгигч СЭТГЭЛ ЗӨНГИЙН ӨЛГИЙ нутаг аа

Саруул тал сүрлэг уулсынх нь алагхан, цэцэгсийн шивнээ нь аргадан соронздоод байдаг
Сар жилийн тэртээгээс долгилон мяралзах, ном эрдэм нь өнгөжин гялалзаад байдаг
Сайны ерөөл ашдын билигтэй оюунлаг түмний, уухай түрлэг нь хөөсрөн шуугиад амтлагдаг
Сав ертөнцийн диваажин Монгол орон минь амьдралын өргөө л дөө

Хуурын эгшиг, цуурын аялгуундаа орчлонг бүүвэйлэгч МӨНХ ТЭНГЭРИЙН нутаг аа
Хорвоогын сайхан уярлын хэлээр, хайраар халгигч СЭТГЭЛ ЗӨНГИЙН ӨЛГИЙ нутаг аа

(Хөгжмийн зохиолч Магсаржав ахаас үүтгэв) 2021-02-15    03:50

Comments

Post a Comment

Popular posts from this blog

Гариг өдрийн нэрс

7 ГАРГИЙН НЭР ДЭЛХИЙ ДАЯАР ИЖИЛ УТГАТАЙ  (I хэсэг)   7 гаргийн нэрийг олон хэлээр нэрлэхэд үндсэндээ 3 янз байх шиг. 1-рт: Гараг эрхсийн нэрээр нэрлэх буюу тухайн гараг эрхсийг төлөөлдөг бурхан тэнгэрээр нэрлэх; 2-рт: Тоогоор нэрлэх. 1 дэх өдөр гэх мэт. 3-рт: Дээрх хоёрыг хольж нэрлэх, эсвэл хослуулан нэрлэх. Монголчууд ингэж нэрлэдэг.  Тийнхүү нэрлэхдээ “өдөр”, “гараг” гэдэг үгийг залгах нь бий. ДАВАА ГАРАГ. Түвэдээр “сар” гэсэн үг. Орчуулбал “саран гараг” гэсэн үг. Англиар Monday, германаар Montag гэнэ. Өөрөөр хэлбэл, Moon, Mond буюу “сар” гэсэн үгээс гаралтай. Day, Tag нь “өдөр” гэсэн утгатайг та бүхэн мэднэ.  Оросоор понедельник, словакаар пондэлок гэх бөгөөд орос хэлний “неделя” гэдэг үг одоо “7 хоног” гэсэн утгатай боловч угтаа бол ням гаргийг хэлдэг үг байжээ. Өөрөөр хэлбэл,  “неделание“ буюу “ажилгүй, амралтын өдөр” гэсэн утгатай. Одоо ч словак зэрэг славян хэлэнд ням гаргийг “неделя” гэдэг хэвээр. Тиймээс “понедельник” гэдэг нь “неделя” буюу ням гаргийн...
Read more

Удирдагчын сахих ёс ном

Image
Удирдагч МАНЛАЙЛАГЧын жим ЗАМ 1. Хувь ЗАЯАгаа удирдаж чаддаг ХҮН удирдагч болж чаддаг! 2. Хувь тавиланг зохиож залуурдах хүч СЭТГЭЛ ОЮУНд байдаг! 3. Заяа төөрөг хүссэнээр болохгүй ч төлөвлөж товлохгүй бол жолоогоо алддаг! 4. Хүний ч өөрийн ч "хувь заяа, тавилан төөргийг танихгүй тоохгүй гээх" цаг үед мэдрэлтэж ЗУРАГ АЛДАРДАГ! 5. УДИРДАНА гэдэг бүх юм биш! Удирдуулах ухаан сэтгэлтэй байна гэдэг БҮХ ЮМ! ХАРИН ЮУНД ХЭЗЭЭ гэдэг л чухал ба хүсэл мөрөөдөл дөө хүлэгдэх нь удирдлага бус хавчигдал юм. Муу юмс хэзээ ч өөдтэй сайныг дагуулдаггүй!
Read more

Анхны Гадаадад СУРАЛЦАГЧИД

Image
Зургийн тайлбар: Тэдний хувцсыг Хүрээнд байсан пүүсээс худалдаж авсан байдаг аж. Гучин таван хүүхдийн тав нь эмэгтэй сурагч байсан бөгөөд үсээ загварлаг тайрсан ганган охид байсан гэж герман иргэд дурсан ярьжээ.  Улаанбаатар, 2024 оны хоёрдугаар сарын 5 /МОНЦАМЭ/. “Хээрийн галуу нисэн үл хүрэх газраас хүний хүү эрдэнэ өвөрлөж харина” гэж монголчууд ишлэх дуртай. Шувуу шувуудын дундаас чухам яагаад хээрийн галууг онцлон ийн өгүүлсний тухайд мэдээж олон сонирхолтой тайлбар гарах биз ээ. Ямартай ч хээрийн галуу нь хамгийн өндөр нисдэг шувуудын нэг ажээ.  Дэлхийн ноён оргил, Гималайн нурууг даван нисдэг энэ хүчирхэг жигүүртнээс ч өндөрт "нисэх" ийм л хариуцлага, тийм л мөрөөдлийг өвөрлөн, 1926 онд 41 залуу өрнийг зорьсон нь юутай бахтай, юутай гэгээн зам байсныг их зохиолч Д.Нацагдорж “Алс газар сурахаар явагч” шүлэгтээ өгүүлсэн байдаг билээ. Уг шүлэгт, “...Үүнийг сонирхон түүнийг хачирхан, зуун уул, мянган голыг өнгөрөн, алжаалыг зөвхөн сэтгэлдээ бясалган, баяслыг ха...
Read more